قـصـيـدة حزينة ..

[.. غلاهم كلهم ..]

هـــــــــلا والله ..


هاذي قصيدة حزينة قرأتها في أحد المنتديات وأعجبتني ..


http://www.upload2world.com/pic30/upload2world_6307d.gif (http://www.upload2world.com)



قـلـت:الــــوداع وجـاوبـت دمـعـة الـعـيـن=تــجــرح بـسـاتــيـن الـخـدود الـنـديــه

وغـضـت وشـفـت بـعـيـنهـا الحـزن حزنين=وصـاحت عـلـى الـفــرقـا أنـا مو قـويـه

وجـاوبـتـهـا أرجـوك تـكـفيـن..تـكـفـيـن=واللـــــــه دمـعـك يـشـعـل الـنـــار فـيــه

وقـالـت : تـعـاهـدنـي عـهـاد الـمـحـبـيــن=الـلـه يـخـون الـلـي يـخـون بـخـــويــه

قـلـت: أبـشـــري واللي خلق لا تـظـنـيـن=حــرام مــا غـيـرك عـشـقـــت "آدمــيــه"

وقـصـت شـعـرهـا قـلت أنـا وش تـسـويـن=قـالـت أبـي مـن غـرتـي لـك هـديـــه

ونـادتـنـي الـغـربــه عـلـى الــهــم والـبـيـن=قـمـت أحـسـب الأيـام روحـه وجيــه

وفـي كــل لـيـلـه تـرتـسـم بـيـن رمــشـيــن=خـيــالـهـا بـيـن الـرمــوووش الـشــقـيـه

غـربـة سـنـه فـي ذمـتـي غـربــة سنـــيــــن=مـتى عـلى الـله يلـتـقـي الحـي حـيـه

خـلاص هـانـت مـا بـقـى غــيــر يــومـيـن=خـلااااااااص قـفـت غـربه جـرهـديه

ورجـعـت شـوقي فـي خـفـوقـي بـراكين=و رجـعـت أنـا كـلـي لـهـا جـاذبــيـــــه

وسألـت مـا ردوا وأنا أصيـح هـي ويـــن؟! =وكـل(ن)نـثـر من داخل العين ميه

و فـي مـعـمـة حـزنـي تـلـقـيـت رمـحـيـن=قـالوا :{ تـوفـــت }غـافـلـتـهـا الـمـنـيـه

وفـي غـرغـرتـهـا مـا ذكـرت غـيـر حرفين=تـشـهــدت بـ أسـمــــك شـفـاة الـبـنـيـه

وتـزاحمت في داخلي 1000 سكـين=والـحـزن يـطــويـنـي ثـمـانـيـن طـيـه

" صــدمـه"وجابتني على الأرض نصفين=وشـلـون راحـت دون ذنب وخطيه ؟!

تـكـفـون دلـونـي عـلـى الـقـبـر هالـحـيـن =مــا عــاد فــيــنــي لـلـصـبـر مـقــدريــه

و وقـفـت أطـالـع قـبــرهـا بـيـن نـصـبـيـن=وجـلـسـت أضـم أغلى النصايب عليه

وأصـيـح وش بـك"يا غـــلاي"ما تـردين=إشـتـقـت همس شفاهك النرجـسـيـه

وش فـيـك جـيـت مـن الـسـفـر مـا تـهلين=مـاهـي بـلـك عـاده ولا إنـتـي رديـه

وحــاولـت فـي لـحـظــه أجـرح الــديــن=وأزيـح تـربـة" قبــــــــــرها "في يديـه

وبـالـغصب شـالونـي حشى تـقـل مسكين=وأصرخ بهم واللـــــــه واللـــــــــه حيه

وقـفـت و تـاهـت بـي جـمـيـع الـعـنـاويـن=والـحـزن يـلـعـب داخـلـي سـامـريـه

ورجـعـت لـدروب الـشـقـى قـبـل عـامـيـن=مـدري مـن الـلـي صار فينا ضحـيـه


http://www.upload2world.com/pic30/upload2world_6307d.gif (http://www.upload2world.com)

[الكاسر]

الله

الله

رائع ما اختيارج يا غلاهم كلهم

[احساس غريب]

كلك ذوووووق والقصيده بصدق حزينـــــه
يعطيك العافيـــه وان شاءاللـــه نشووفـ اكثـرر

تحياتي لك,,

[فارس]

صح لسان شاعرها

وسلمت يمين .. غلاهم كلهم .. على نقل هذه القصيده الجميله

تحياتي

[.. غلاهم كلهم ..]

أبـــــــوخالد ..


والله الأروع حضورك وردّك ..


مشكووور أخوي ..

[.. غلاهم كلهم ..]

احساااااس غريب ..


تسلملي والله ..


يعطيك العااافيه على ردّك ..

[.. غلاهم كلهم ..]

أخوي فااارس الشماااال ..


مشكوور على ردّك ..


نورتنا ..

[ناصر العجوني]

قصيده مؤثره يسلمو ياغلاهم على الاختيار المميز والذوق الأجمل

[.. غلاهم كلهم ..]

هــلا والله وغلا .. بالزعيــــــــــم ..



مشكووور لمرورك ..

[بنت ابوهاااا]

مشكورة .. غلاهم كلهم ..

على المشاركه رائعه

[.. غلاهم كلهم ..]

والله ياأختي ..


مرورك الرائع ..


تسلمي والله ..