دعم وتاييد للشاعرين ثنيان سرور الرشيدي و مشعل فلاح النون الرشيدي

[نجا الرشيدي]

ندعم ونويد الشاعرين
ثنيان سرور الرشيدي ومشعل فلاح النون الرشيدي
واضع بين يديكم هذه القصيده عسى ان تحوز على رضاكم
اخوكم -- نجا الرشيدي



قـال الـذي لـه بـالتـمـاثيل عــادات = يصـخـرالمعـنـى بحـلـوالمثـايــل

يقولهن بـاهـل الوفـاء والمـروات = اهل الشـرف واهــل الكرم والفعايـل

اللي تحوش الطيب في كل حـزات = اهل الصخــا والجـود واهل الجمايل

بني رشيد ان صاربالوقت ميلات = ضدالحـريب اللي عـن الحـق عـايـل

يوم الملاقــا بالسيوف الصقيلات = تشهـد لهـم بـالفـعـل كــل الـقـبـايــل

صـولاتهم يومـن الاريـاق مــرات = ياما ثـنـو دون امهـات الشـــمـايـل

امرخـصـيـن العمـريـوم المثارات = لياهـلهـلـن مـنـقـضــات الجــدايــل

افعـالهـم بـالطيب ماهـن خـفـيـات = رجـالهــــم وافــن بكل الخـصــايــل

ودايم لهم في حزت النفع عـادات = عـندي على قولي شهـــود ودلايــل

انخــا ربوعـي فـي نهـارالمهمـات = اللي على الواجب تحــوش النفايل

اليـوم وقت النفع وقـت الحمـوات = اقــفـو مواقـيف الجـــدود الاوايــل

اقـفـومـواقـيفـن لهـلـكم قــديمـــات = اهـل الفعـول ومقحـمين الاصـايـل

لياصار بالموضوع نخوه وفزعـات = انـتم تحمـلون الحمـول الثـقـايــل

انـتم تحـلــون العـقـود الصعـيـبات = وانـتم هـل النخـوه بكل الـوسـايـل

والـنـون وثـنيان مخـصوص بالـذات = يـبـون فـزعـتكـم بجـم الــرسـايــل

تـرا لكم فـي لمت الشـمل طـــولات = واللي مـزاعـمكم يشـوف النكايـل

وارج السموحـه كان بالقـيل زلات = ياهل الفخـريامـد ركين الجـمايـل

وخـتـامهـا مـني ســلام وتحـيـات = يــافـاهمينـن فــي معـان المثـأيـل

[عبدالمجيد الرشيدي]

لاهنت على هذا النداء

وافي يابو فيصل وقصيده وافيه

ويستاهلون التصويت ويبشرون بالتصويت

صح لسانك على هذه الرائعه

لاهنت على هذا النزف الجميل

يعطيك العافيه

تحياتي لك

[الـــ يتيم ـــود]

صح لسانك ولا هنت على هالقصيدة الجميلة

يستااهلوون والله هالنداء ويبشروون بالتصويت

خالص احترامي

[الوفاء]

يبشرون عيال عبس بعزهم

الله يعطيك العافيه اخوى نجا

[ناصر العجوني]

لياصار بالموضوع نخوه وفزعـات = انـتم تحمـلون الحمـول الثـقـايــل

وهو كذلك أخوي نجا بيض الله وجهك وصح لسانك مليون × مليون لاهنت

[بنت ابوهاااا]

اول شي صح لسانك ونعم باولاد عبس وانت كفو

ثاني شي جتني رساله تقول انتي ماتقدرين تنقدين الشعراء الكبار
ورديت عليه وقلت انا اي شاعر اقدر انقده واي قصيده اقدر انقدها
ونقد القصيده ما يقلل من قيمتها ( وجهة نظر تعرض فقط)
يقول الشاعر
اللي تحوش الطيب في كل حـزات
الاصح
اللي تحوش الطيب في كل الاوقات
يقول الشاعر
امرخـصـيـن العمـريـوم المثارات = لياهـلهـلـن مـنـقـضــات الجــدايــل
الاصح
امرخـصـيـن الروح يـوم المثارات = لا لولشن مـنـقـضــات الجــدايــل
النساء ما يهلهلن يلولشن لولشه ..
يقول الشاعر
ودايم لهم في حزت النفع عـادات
كلمة النفع ليس هذا محلها لانها منتهيه بحرف عين والكلمه الي بعدها حرف عين
ممكن تقول
ودائم لهم في حزة الطيب عادات
او تقول
دائم لهم في حزة النفع وقفات

هنا خطاء مطبعي غير مقصود يقول الشاعر
والـنـون وثـنيان مخـصوص بالـذات = يـبـون فـزعـكـم بجـم الــرسـايــل
الاصح
والـنـون وثـنيان مخـصوص بالـذات = يـبـون فـزعتـكـم بجـمع الــرسـايــل

اخير احب ان اشيد بهذا الشاعر وقصائده واطلب منه المعذره على تلقفي على
قصيدته التي تشبه العقد على صدر المستحقه له ..

[نجا الرشيدي]

الاخ الغالي فارس الشمال اشكرك على المشاركه والمرورعلى متصفحي والكلمات الطيبه لاهنت

[نجا الرشيدي]

الاخ الغالي يتيم الود اشكرك على المشاركه والمرورعلى متصفحي والكلمات الطيبه لاهنت

[نجا الرشيدي]

الوفاء اشكرك على المشاركه والمرورعلى متصفحي والكلمات الطيبه

[نجا الرشيدي]

الاخ الغالي الزعيم اشكرك على المشاركه والمرورعلى متصفحي والكلمات الطيبه لاهنت

[نجا الرشيدي]

اول شي صح لسانك ونعم باولاد عبس وانت كفو

ثاني شي جتني رساله تقول انتي ماتقدرين تنقدين الشعراء الكبار
ورديت عليه وقلت انا اي شاعر اقدر انقده واي قصيده اقدر انقدها
ونقد القصيده ما يقلل من قيمتها ( وجهة نظر تعرض فقط)
يقول الشاعر
اللي تحوش الطيب في كل حـزات
الاصح
اللي تحوش الطيب في كل الاوقات
يقول الشاعر
امرخـصـيـن العمـريـوم المثارات = لياهـلهـلـن مـنـقـضــات الجــدايــل
الاصح
امرخـصـيـن الروح يـوم المثارات = لا لولشن مـنـقـضــات الجــدايــل
النساء ما يهلهلن يلولشن لولشه ..
يقول الشاعر
ودايم لهم في حزت النفع عـادات
كلمة النفع ليس هذا محلها لانها منتهيه بحرف عين والكلمه الي بعدها حرف عين
ممكن تقول
ودائم لهم في حزة الطيب عادات
او تقول
دائم لهم في حزة النفع وقفات

هنا خطاء مطبعي غير مقصود يقول الشاعر
والـنـون وثـنيان مخـصوص بالـذات = يـبـون فـزعـكـم بجـم الــرسـايــل
الاصح
والـنـون وثـنيان مخـصوص بالـذات = يـبـون فـزعتـكـم بجـمع الــرسـايــل

اخير احب ان اشيد بهذا الشاعر وقصائده واطلب منه المعذره على تلقفي على
قصيدته التي تشبه العقد على صدر المستحقه له ..



----------------------------------------------------







الاخت بنت ابوها المحترمه
اشكرك على مرورك العطر وكلماتك الطيبه والصادقه
والنقد البنا لايفسد للودقضية فالقصيد ليسى قراءن منزل
وكذلك الكلام والخطا وارد واحيانا يكون بسبب
استعجال والانسان معرض للخطا ومن لايخطي لايصيب
ومن خصايص الشعر المبالغه ومن شروط الشعر عدم تكرار القافيه
والمحافظة على الوزن والمعنى والترتيب وعدم تكرار الكلمات ايضا
حتى لاتفقد القصيده جمال معانيها تشبه بالسالفه عندما يتكررالكلام
فيها تقل قيمتها فالكلمات التي ذكرتي تجدينها في بيوت اخرى من القصيده نفسها
الموضوع
اللي تحوش الطيب في كل حزات
ليسى المقصودفيه كل الاوقات
بل عند الحاجه او وقت الحجه بوقفات معينه
لياهلهلن كلمه دارجه عندالباديه -- لالولشن تكسر البيت وفيها حرف نفي
مرخصين العمر يعطي معنى مرخصين الجسم كله في وقت الشدايد
والعمر والروح نفس المعنى
النفع – منفعه خاصه وقت حاجتها للمطلوب نفعه - مثل - ثنيان والنون
الطيب – والنفع -- معنى واحد وتبادلهن حتى لايتكرر الكلام
دايم لهم في حزة النفع عادات -- ترمز للماضي - والحاضر
عادات – و حزات معنى ايضا واحد وكلمات كلها دارجه ومفهومه
وتجنبا عن تكرار القافيه
وفعلا هناك خطا مطبعي وتم تعديله
يبون فزعتكم بجم الرسائل -- بجم الرسائل يعطي معنى غزارة اوكثافة الشي
والشعر مثل العلم لاحدودله وانا ماازال تلميذ اتلقاء العلم والمعرفه
من منهم احسن مني بالشعر واقدم منى بالتجارب وافهم مني بالعلم واتقبل النقد
ولك جزيل الشكر والاحترام
مع اطيب التحيات واحلى الاماني

ابوفيصل

[مرداس]

نجا الرشيدي صح لسانك واعتلى شانك وسلم بوحك

وفيت وكفيت بهذه القصيده

وجاري التصويت للشعراء ثنيان ومشعل

عافك الله

محبك
مرداس

[بنت ابوهاااا]

حياك الله اخي نجا الرشيدي
وانا ابديت وجهة نظري الشخصيه واشدت بقصيدتك التي تحمل من المعاني
اجملها واعرف ان المعنى محدود ولا يمكن للشاعر ان يظهر قوة شاعريته
الا في الجو الحر يعني يكون المعنى باختياره وليس جبرا عليه ومثل ماقلت

على العموم شكراً يابو فيصل

[نجا الرشيدي]

الاخ مرداس

شكرا على المرور ولاهنت على الكلمات الطيبه وانت وكل عبسي قدها وقدود وهذا واجب على كل رشيدي

[نجا الرشيدي]

بنت ابوها

اشكرك على المرور والاشاده واحترم وجهة نظرك لاهنتي