لوان تحلف فيك يابـو السواليـف

[خليف الوهيداني]

شكلك حصلك في زمانك صواديف=عقلك ماهو مضبوط فيه اهتـزازه
ام ولد سفـرات والا ولـد كيـف=وتكفيك حبت خشم في وقت عازه
ومشهور ماتحتاج لناس تعريـف=الرمح لو صلك يطيـح الرتكـازه
لو انت ماخاويت ناس(ن)ملا قيف=محدن عرف ماتحتويـه القـزازه
حنا اهل الوقفات والطيب والسيف=واهل الشجاعه ياحفيـد الخنـازه
لوان تحلف فيك يابـو السواليـف=انته ومـن مثلـك توطـا بـرازه
يابو الهضاب اللي بها دايم الريف=اللي بها المضمي يـدق ارتـوازه
انا عليك ابعد من الصين وجنيـف=مثلي صعيب(ن)يالخمـام افتـزازه
انـا حفيـد امفرقيـن المواليـف=اترك هشاش الارض ونزل عزازه
والا انت مخبوره سواياك بالقيـف=من جاك ياخذ حاجته في نجـازه
تبيع له غاليك بارخص مصاريـف=وهذا معدنك اللي قديم(ن)طـرازه
قد قلت لك تراك راعي تصانيـف=لا تضيع في وسط النفود وغرازه
لا اني انا دارن بك خبيل وضعيـف=تحط في وجـه المصيبـه لـزازه
وتلبس عقب لبس الرجال النفانيف=وتحط معها براس خشمك ركـازه
وش عرفك للعيب ياجافي الظيـف=ياللي سنه بيتـك يكفيـه غـازه

[عبدالمجيد الرشيدي]

الشاعر خليف الوهيداني صح لسانك ياغالي

دائماً تتحفنا بالروائع

قصيده جميله تحمل بطياتها معاني رائعه

لاهنت ويعطيك العافيه على هذه الرائعه

لك تحياتي

[قاهر الشوق]

الله الله على هذه القصيده الرائعه يعطيك الف عافيه

[بنت نجد]

صح لسانك

لاهنت

تحيتي لك

[نجم الوطن]

صح لسانك اخي خليف


وعلى هذه الكلامات المميزه

[حمود البلوي]

الشاعر الكبير خليف الوهيداني صح لسسسسانك دائماً كبير في كل شي لاعدمناك

[احمد الرشيدي]

الشاعر خليف الوهيداني صح لسانك على هذه القصيدة الرائعه والجميلة


ولك التقدير والاحترام

[مرداس]

صح لسانك خليف وعلى شانك

اتمنى تزويدنا بقصايدك الجميله

لك احترامي

محبك
مرداس

[الازدي]

الوهيداني صح لسسسسسانك
دائماً استمتع بقصايدك الرائعه والتي تبع من صميم
شكري وتقديري لك