لكسر
07-06-2007, 06:40 PM
البارحه والبارحه .. ذكرى وطال الليل طال = على ضفاف البحر اشوف الناس واتلهى بها
احاول انسى واتجاهلها وزاد الاشتعال= بالبال ذكرى.. بس مدري وشو الي جابها؟
ذكرى جديده عابره لكن من النوع الثقال= حطت كما السفينه الي ودّعت ركابها
الناس راحوا والبحر قدام عيني لايزال= وانا سهرت السهره الي ماحسبت حسابها
جالس لوحدي مامعي غير العمامه والعقال=والدفتر الازرق وطعنات الجروح ومابها
ياليل كان مسامرك مهجاد وعلومك خيال = فارق وعين(ن) ماتبي لك شوف وش تبغى بها
ليّم نجومك وانسحب مليت من طول الجدال=وصلك قطعتّه والهجوس اوعدك لاقفل بابها
انا دروبي من مشى معها لقى الماء والضلال=مثل البيوت الي تغمر الضيف في ترحابها
راحة محارب ..وان نويت وصار للمسرى مجال =على طريقي نّوخت كل النجوم ركابها
هناك غير الليل.. ليل.. هناك غير الفال.. فال=هناك دلة ..بن.. فاحت وارتوى شرابها
عين(ن) بديت الشعر معها في كتابه وارتجال=عسى قصيدي كان مات يموت بين اهدابها
احاول انسى واتجاهلها وزاد الاشتعال= بالبال ذكرى.. بس مدري وشو الي جابها؟
ذكرى جديده عابره لكن من النوع الثقال= حطت كما السفينه الي ودّعت ركابها
الناس راحوا والبحر قدام عيني لايزال= وانا سهرت السهره الي ماحسبت حسابها
جالس لوحدي مامعي غير العمامه والعقال=والدفتر الازرق وطعنات الجروح ومابها
ياليل كان مسامرك مهجاد وعلومك خيال = فارق وعين(ن) ماتبي لك شوف وش تبغى بها
ليّم نجومك وانسحب مليت من طول الجدال=وصلك قطعتّه والهجوس اوعدك لاقفل بابها
انا دروبي من مشى معها لقى الماء والضلال=مثل البيوت الي تغمر الضيف في ترحابها
راحة محارب ..وان نويت وصار للمسرى مجال =على طريقي نّوخت كل النجوم ركابها
هناك غير الليل.. ليل.. هناك غير الفال.. فال=هناك دلة ..بن.. فاحت وارتوى شرابها
عين(ن) بديت الشعر معها في كتابه وارتجال=عسى قصيدي كان مات يموت بين اهدابها