زينب محمد
07-07-2007, 06:30 PM
السلام عليكم ورحمة الله وبركاته
اليوم حابة انقل لكم قصة قرأتها وعجبتني ..
هي قصة قمر خالد للكاتبة حمران النواظر ....
وهي باللهجة الكويتية .... وان شاء الله تعجبكم ...
وأنا في انتظار ارائكم ...
نبذة عن القصة....
خالد ..امير احلام ملايين البنات.. وسيم .. اسمر .. عريض ..بدوي ههههه يحب الحب وغروره واعتداده بنفسه لانه عربي... كبير..
حب بنت من كل اعماق قلبه.. وعاش على حبها واضطر بالاخر انه يدوس على قلبه ويأخذ غيرها .. اللي مسرع ما استوت اكبر زوبعه في حياته.
قمر.. حورية بشرية.. جمال ورقة واخلاق وستر.. تربت بحضن يدها.. عاشت وكلت من يد الدين والاخلاق.. تعيش الحب.. وتحلم للحب.. وتكتب بالحب .. ولكن احلامها كلها تبخرت وكل احاسيسها اندفنت لما تزوجت من ولد عمها خالد عشان مصلحة العايلة ..
عايلة بن ضاحي.. قبل 10 سنوات كانوا من افضل العوايل.. عايلة معروف عنها بمجال التجارة والحرفة والمقاولات .. اسم وسمعة طيبة بالكويت.. البداوة ظلت فيهم على الرغم من التحضر الواجب في هذا الوقت.. بعد موت احد افراد عايلتها بحادثة انتقام قديم .. تقطعت الاواصر .. الكل ابتعد عن الثاني .. المصارعات على المواريث والثروة فرقت بين الاخ واخته.. ولكن زواج خالد وقمر .. بدأ منهال يديد بالعايلة وفتح الباب امام العديد من الاواصر اللي راح تتجمع مرة ثانية ...
في هذي القصة راح تتعرفون على .. الحب .. العايلة.. احترام الكبير.. واهم شيء.. العلاقات الزوجية الانسانية .. كيف من الممكن ان الحب ينولد من بعد الزواج.. وكيف ان هذي الظاهرة الجميلة انقضى عليها بالحب الفاشل والعلاقات الغرامية خارج اطار الزواج....
---------------------
*** الجزء الاول
الفصل الاول ..
في اكبر فنادق العاصمة .. وبافخم صالتين بالفندق.. كانت حفلة زواجهم.. خالد بن ابراهيم بن ظاحي على قُمر بنت سعد بن ظاحي ..الكل كان يتحسب لهذا الزواج ويحسب له الف حساب.. لان ان تزوج مدلل نيمه (خالد) على ربيبه سبع (قُمر) كل الاماني راح تتحق وراح تتحقق معاها الاواصر اللي تقطعت على مر السنين من بعد وفاه اكبر الاخوان عبد العزيز بحادثة انتقام هشمت كل العلاقات وفرقت امبين الاخوان والاخوات وماكان شي بينقذ هالكارثة الا زواج العيال ببعض..
انيي اول للمعرس.. خالد المحطم اللي انغصب على الزواج من بنت عمه عشان العايلة واسم العايلة ومصالح العايلة.. اضطر انه يدوس على احلامه وحياته واهم شي قٌلبه عشان هذا الزواج يتم.. بصاله الرياييل الكل كان فرحان وكان مبتهج والدنيا مو شايلته.. الا خالد اللي كان يطالع الناس والابتسامه الباردة على شفايفه اللي ترتعش من الغيض والقهر والالم العميق.. يتذكر حبه العنيف لندى ويتذكر ايامه وياها بلندن والجامعة.. اربع سنوات قضاها من احلى سنوات عمره.. عاشها وكانها اخر اربع سنوات بيعيشها بحياته.. يطالع الناس بعيون حيرانة .. يناشد ابوه.. عمه الصديق جاسم.. اخوانه.. اهله.. اصدقائه اللي انعزموا من كل بقعه وين ما كانوا بس.. محد يسمعه.. يقبض على مسند الكرسي بكل قوته واهو يكظم غضب عميق.. يحس نفسه مثل الكاسر المحبوس داخل قفص عظيم ما يقدر حتى انه يتنفس فيه.. حس ان البشت اللي عليه مثل سترات الميانين يحبسه عشان ما يتحرك.. الوحيد اللي كان حاس فيه اهو عمه جاسم.. لانه يعرف كل شي عن خالد وعن ندى وعن علاقة الحب القوية لان خالد كان يخبره بكل شي من الالف الى الياء.. جاسم عمره 25 سنه كبر خالد.. انولدوا بنفس الفترة.. وعاشوا وتربوا ويا بعض حتى انهم استغنوا عن اصدقاء غير بعضهم بس يوم قرر ابراهيم ابو خالد انه يدرسه برع البلاد اضطروا الصديقين انهم يتفارقون بالجسد بس ظلوا مع بعض بالروح وماشاء الله وسائل الاتصال اتوسعت وصاروا يخصصون يوم بالاسبوع يتقابلون فيه بالنت والكاميرا ويسولفون بالمايك..
جاسم تقرب من خالد: يا خالد حاول انك تهدي روحك شوي احس ان مسند الكرسي بينكسر اللحين خفف شوي من عصبيتك
خالد يهمس: ما اقدر يا جاسم.. احس اني بموت.. ما ابي هالزواج.. شلون يزوجوني من بنت انا ما اعرف عنها الا ان اسمها قُمر.. وانا قلبي ينشد لندى..
قاطعه جاسم: صل على النبي يا خالد علامك طالع ابوك وعمك شلون فرحانين بالمناسبة.. انت تناسى حزنك شوي مو عشان شيء عشانهم..
خالد وهو يهز راسه بقوة وصوت الطيران يدق براسه: ما اقدر يا جاسم لا تطلب مني المستحيل.. تدري شنو افكر.. افكر اشرد.. اشرد واحطهم كلهم جدام الامر الواقع
جاسم هز راسه من كلام خالد وراح عنه... اخذ زاوية بعيدة عن الفوضى واتصل بمريم اخت خالد
مريم تتكلم بصوت عالي: هلا جسوم شصاير؟
جاسم: ما صاير شي ... شنو هالهيلة اللي عندكم والله وناسة
مريم: هههههههههه أي والله الديجي لاعب بحسبتنا والاغاني على حدها ... وناسة
جاسم: يا حظكم مو انه يالس هني ويا هالمزاهيق.. يرقصون على الطيران والطبول.. يا خوفي احد منهم يصيبه زار هههههههههههههه
مريم: هههههههههههههه يالله خلصني ليش داق
جاسم: عطيني ارفيجتج نور والله انها غوتني
مريم: جب.. تدري عاد اهي قالت نفس الكلام
جاسم: ههههههههههه ذبحتها هاا بالدشداشه.. اهي متعوده علي ببنطلون وقمصان.. اوريج يا بنت المصرية
مريم: بس عاد ...خلصني ...ليش متصل اللحين؟
جاسم: مريم ابيج توقفين يم خالد لين يدخل ولا تفارجينه.. قاعد يخربط ويقول كلام يخرع
مريم: خير شصاير؟
جاسم: لا ولا شي بس اهو متضايق ليش ان الاهل قرروا عنه وعن مستقبله من دون ما يستشيرونه وقاعد يقول كلام اهو مايحس فيه.. كل اللي ابيج تسوينه انج توقفين يمه.. وتحاولين تهدينه وعطيه عبارات تشجيعية
مريم: ان شالله عمي ما طلبت يا بو محمد.. ها خلصت اوامرك
جاسم: لا والله وينها نور
مريم : هههههههههههه كاهي واقفة يمي ... تبيها؟
جاسم : ايه والله
مريم التفتت عن التلفون تكلم نور
نور تصفق : هااا
مريم: عمي جاسم يبي يكلمج
نور تطالع مريم باستهبال: شنو ... عمج.. شيبي فيني
مريم : بس جذي يسولف ... حباب عمي كلميه
نور: روحي زين.. امي يالسة يمي تبيني اكلم عمج؟
مريم ردت على جاسم: تقول لك امها يالسة يمها شلون تكلمك؟
جاسم يضحك من قلب: ههههه مافيها شي خليني اكلم خالتي بعد ههههههههه
مريم: ههههههههههههه
نور: علامج
مريم: ايقول لج بيكلم امج بعد
نور: شكله عمج شارب له شيء
مريم: الو جسوم ... فارج اللحين بيدخلون قمور
جاسم: انا اقول اشفيهم الرياييل قاموا مرة وحدة يالله نتلاقى عند الباب.. تغطي زين وييبي وياج نور
مريم: ههههههههههههههههههه يصير خير
سكر جاسم من عند مريم وراح عند ولد اخوه اللي كان يدور عليه بعيونه.. جاسم كان وسيم بنيته قوية وجماله كان جمال عربي اصيل حتى عيونه من كثر ما اهي حلوة انكتبت فيها القصايد.. بس خالد كان اوسم من جاسم بالف مرة.. خالد كان غير.. ولد عرب فتي قوي الساعد محد يقدر ينافسه لا بالطول ولا بالعرض ولا بالغرور والكبرياء.. لين يشوفه احد يحس انه شموخ العرب كله فيه خصوصا مع خشمه الطويل السليل.. عيونه كانت بنية مايلة للسواد ورموشه كثيفة وحواجبه مرسومة على طول العين.. امه وخواته وبنات العايلة كلهن مغرمات فيه وفي جاسم .. بس خالد كان عاشق وحدة .. بس هي ندى .
ابراهيم – ابو خالد – كان مريض بالقلب لذا ما سار ويا الناس بالزفة طلب من جاسم.. اصغر اخوانه.. انه يوقف على يمين خالد عشان يحسسه بالراحة .. واخوه الكبير خليل على يساره.. والفرقة الشعبية توقف جدام عشان تزف المعاريس
مصيبة ثانيه بغرفه العروس..
ام خليفة: بسج عاد يمه والله ذبحتيني وانتي تبجين.. ذبحتي هالبنية واهي تعدل فيج وانتي تخربين كل شيء
قُمر وهي تشهق من الصياح : يمه شسويت فيكم؟ انا بنتج يمه.. تسوقيني لشيء ما ابيه ولا افكر فيه.. يمه كانت في بالي أحلام وايد.. تقومون تهدمون حياتي وتزوجوني من ولد عمي اللي ما شفته الا مرة وحدة بحياتي
ام خليفه : بس يا قُمر بس بتفضحينا جدام الناس.. اذا مو عشاننا عشان عمج التعبان واعليه حاول المستحيل عشان هالعرس
قُمر: ما ابي يمه.. ابوس ايدج يمه ... يمه تكفين
ام خليفه وخلاص عصبت من اصغر بناتها: بسج قُمر.. بتسكتين وبتمشين الحين ابوج ينطرج على الباب الناس ليل خلينا نخلص ونفتك يا قُمر
قُمر سكتت.. ما باليد حيلة.. راح تنساق يعني تنساق.. تمشي على ريلها لموتها وحياتها المستقبلية.. تتزوج من انسان ما تحبه ولا تعرفه عشان تحبه.. قُمر كانت طموحاتها غير.. ما كانت حاسبة في بالها من بعد الثانوية انها تتزوج ولا تكون حياة زوجية.. كانت تبي تروح الجامعة وتدرس عشان تصير مدرسة وتدرس
بالمدارس.. وتكون لانسان يستحقها.. يحبها وتحبه.. بس كل هذا تهدم يوم زارهم عمها قبل شهرين وخطبها واهلها وافقوا من دون ما يستشيرونها وما فتحوا معاها الموضوع الا بعد ما خلصت المدرسة ..
طلعت ام خليفة من الغرفة ودخلت عليها ارفيجتها العزيزة لولوة
لولوة: بسم الله ماشاء الله قُمر ما غلطوا يوم سموج قُمر.. الف الف مبروك
لولوه هذي كانت وايد غالية على قُمر.. وزاد غلاها باخر سنة عشان اخوها زايد
قُمر بصوت يقطع القلب: لولوة.. لولوة الغالية.. انقذيني لولوة.. ما استحمل والله بموت.. احس اني مثل العنزة يقودونها للذبح.. شسوي بعمري يا لولوة .. ساعديني تراني بموت
لولوة: جبي زين وايد تمثلين انتي.. شنو ذبح وعنزة.. انه ما توقعت اني اسمع منج هالكلام والله انج بايخة قمور.. قومي شوفي ريلج شحليله والله اني وقفت يم الرياييل وانا اطالعه.. حتى حجابي طاح من كثر ما كنت مفهية ههههههههههههههههه
قُمر: والله انج متفرغة بحياتج
لولوة : انه مو متفرغة بالعكس.. انه وايد حزينة يا قُمر.. بس هذي قسمة الله ونصيبه انج تتزوجين ولد عمج بالغصب ...بس لازم تتصبرين ...
قُمر وخت رأسها تكمل بجيها
لولوة بحنان: انا تمنيتج حق اخوي عشان ما نتفارق ابد.. بس يا قُمر.. احنه مو من مستواكم ولا انتي ناسيه احنه من وانتوا من
قُمر :لا تقولين جذي...انا كنت مستعدة اقبل بزايد لو على قص رقبتي
لولوة بابتسام زاد من جمالها: ادري فيج حبيبتي ... بس عسى تكرهوا شيئا وهو خير لكم
قُمر باستسلام: خلاص.. انا حياتي انتهت.. ولا يمكن ارد البنت اللي الكل يعرفها.. وابوي راح يعرف اهو شنو فقد في حياته يوم زوجني من هذا المغرور.
لولوة بخبث: والله على الغرور اهو له الحق ... وايد حلو ... بس ما كان لابس بشت
قُمر: بشت ولا بدون ... ما اشتهه ما اطيقه يا ربي ... والله انه مغرور
لولوة: ماادري.. بس انتي الحين جبي ويالله خلي البنت تعدلج ولو انج تخبلين بس يبيلج شوي هني تحت عيونج وتاشر للمزينه الانجليزيه GOOD JOB ).. )
المزينه: THANK U I DIDIN`T DO ANY THING SHE HAS THE MOST BEAUTIFUL FACE EVER.
لولوة: سمعتي ... حتى المزينة تقول ان ويهج حلو ... يا ملقج والله بقوم عنج
قُمر: وين ... خلج وياي ... ما ابيج تخليني بروحي تطلعين وياي
لولوة: ما يصير انا ما اقرب لج شيء .. اخوج وابوج بيدخلونج على المعرس
بدخلة ام خليفة : لا حبيبتي انتي بتدخلين وياي وانا مالي شغل ...
لولوة: خالتي ما عليه اكفخ بنتج
ام خليفة : لا مو ماعليه.. هالقُمر الحلو تكفخينه.. اسحبج من شعرج.. وشهالكلام.. اذا انتي ما طلعتي وياها من يطلع وياها.. لطوف تعابل عيالها.. ومروو ما تبي تتحرك عن لا يخترب شيء فيها.. ونوفة ويا ارفيجاتها من لها غيرج يا لولوة؟؟
لولوة بفرح كبير من حب الخاالة لها : ان شاء الله خالتي.. انا اصلا قلت بطلع وياها بس العوز هالحمارة شوي
قُمر ضحكت لكلام ارفيجتها وردت حق افكارها وحق الخوف الفضيع اللي فيها.. شلون تعيش طول العمر مع انسان ما تحبه ولا تقدر تحس به ابدا.. واهي موجهة مشاعرها لزايد اللي حبها من اول ما شافها ببيتهم في زيارة لاخته..
قُمر بنت ولا كل البنات.. جمال فتان.. واخلاق عسل.. ودين وستر.. قُمر كانت البنت الوحيده اللي تلبس حجاب وجلباب من بنات العايلة.. كانت تحافظ على طول شعرها.. ولا تحط لها من المكياج الا الكحل الغامج اللي يبين جمال عيونها ويخفف حده النظرات اللي يسميها جاسم النظرات القاتلة.. قُمر كانت بطبعها هادية واجتماعية بصورة رهيبة.. وارفيجاتها كانن ماليات نص الصالة.. تحب الاشياء الرقيقة وتحب الاصالة والعادات الشرقية على غير خواتها اللي معاصرين الحياة بكل معنى الكلمة.. وهذا الشيء اللي خلى ام خليل تخطبها لخالد دون خواتها.. جمال قُمر كان فريد من نوعه.. عيونها لوزية واسعة.. رموشها سود كثيفة متشابكة حواجبها مرسومة على عيونها مثل خالد.. بشرتها كانت بيضا ناعمة على عكس مريم ومروة ونوفة القُمر.. شفايفها كانن موردات.. وخشمها صغير نحيل..
بعد اخر نداء لها من لولوة تطلب منها انها تستعد عشان يطلعونها.. استسلمت قُمر خارجيا وطلعت منها عبرة كلها الم سالت على ويهها مسحتها عنها المزينة واهي تبتسم لها :
(Every thing will be fine. don`t you be worry)
قُمر تبتسم لها.. أي ماخاف.. حياتي كلها تحطمت.. للابد
دخلت لولوة واهي متغطية مع بو خليفة.. لبسوها الشنيول الثقيل على شنيولها الفاخر الشفاف.. يودت يدها لولوة وابوها ماسكها من جتفها.. وطلعوا.. مشن وراها الحريم والبنات والمصورة من جدامها.. قُمر ما كانت تشوف شي لان ويهها مغطى عن الرياييل اللي كانوا بزفه خالد..
خالد في الطرف الثاني بابهته وكشخته يمشي ويا اخوه خليل وعمه جاسم وابوه من وراهم.. تلاقوا عند باب الصالة وكل اللي بالصالة عيونهم على الباب
جاسم اول من تكلم: مبروك قمورة
قُمر ردت بصوت شبه مسموع: الله يبارك فيك عمي
جاسم طالع خالد بنظرات شزر عشان يكلم قُمر
خالد من غير نفس: الف مبروك يا قُمر
قُمر بغير نفس واهي تصرخ في داخلها(الف رحمه علي مو الف مبروك : ( الله يبارك فيك
مريم: يالله بسرعة خلونا ندخل ... ووقفت يم خالد وجاسم يمها
وقف معاها كان طويل واهي وصلت لجتفه.. دموعها تجمعت بعيونها تعلن التساقط.. اخذت نفس قوي ومشت.. الاضاءة كانت خافتة.. والفرقة تطق على اغنية هب السعد التقليدية.. والجو صار ملائكي.. البنات كلهن ماتن يوم شافن خالد وشكثر كان وسيم.. طبعا ارفيجات قُمر شافن ارفيجتهن احلى عن ريلها بالف مرة بس البنات اللي ما يعرفن قُمر قامن يقولن.. اكيد اهي جيكرة حذاله..واحدة تتزوج واحد بهالحلاة لازم اهي جيكر ومو حلوة
وسيمة اشطن ارفيجات قُمر تكلم نادية: والله قهر.. ما ادري اخبصها بطراق على ويهها
ناديه: اووش وسيمة علامج بتتهاوشين هني بعد.. خليهن بينصدمن لين ترفع الغالية الطرحة
وسيمة: بس شنو غاوي ريلها.. يا ربي والله احلى عن زيود اخو لولوووة
نادية: احلى بس الا وااااااااايد احلى.. ويناسب قُمر ... بس وايد مغرور
شهلا العيمية: يحق له ... احد يتزوج هالقشنقوو.. هنيالج يا قمور... قُمر ماخذ قُمر
نادية ووسيمة: ايه والله
وصلت قُمر وخالد للكوشة والقوم كلهم وراهم.. الشباب كانوا يرقصون واهم متلثمين لانهم استخفوا يوم شافوا البنات والبنات يضحكن عليهن.. جاسم اول ما شاف لولوة ما شال عيونه عنه.. جاسم قوي عين ولين يطالع بنت حلوة ما يفارج عنها.. لولوة طبعا لاحظت عيون جاسم وتأكدت انه مو المعرس مثل ما فكرت.. بس عطته نظرات اللا مبالاة مع انها انعجبت فيه.. مما زاد عناد جاسم ركبت قُمر الكوشة على هدوء ومريم ولولوة يساعدنها
مريم لخالد: تقدر تساعد ولا يدك منشلة ؟
خالد: مو شغلج.. محد قال لها تلبس هالفستان
مريم: سخيف وربي سخيف
خالد واهو مغاور عيونه عنها: خليت خفافة الدم لج
مريم : يالله عن الكلام الفاضي ويالله ارفع شنيولها
خالد يلتفت واهو يتنهد ويرفع شنيول قُمر.. اول ما رفعه وقف قلبه.. ما شاء الله.. في احد بالدنيا يملك هالملامح غير الحوريات.. التف مخه 180 درجة .. وحس عمره يرتجف.. ما ظن ان قُمر الشيطانة الياهل تصير مثل هالحورية.. قُمر طبعا كانت موخية نظرها ولا ماعطته ويه
الكل شهق يوم شاف قُمر.. البنات كلهن.. حتى ارفيجاتها لكن وسيمة الشيطانة وقفت اهي وشهلا وقعدن يصلن على النبي واهن يتشهدن.. عن الحسد طبعا
مريم: مدي يدج قمور
قُمر بخوف : ليش
مريم: بنعضها هههههههههههههههه
قُمر انحرجت من مريم .. ساعات تقهر
خالد بهدوء: ماتبين دبلتج يعني
قُمر زادت احراجها.. يتكلم وياها بطريقة تبجي الواحد.. مدت يدها المرتجفة.. لبسها الدبلة وتوه بيخليها لكن المصورة قالت له انه يبوسها.. خالد تنرفز من السالفة ولكن سواها.. والناس كلهم ميتين من قناع الرومانسية اللي لبسه خالد في دقايق وكل البنات تنهدن من الموقف
وسيمة: ااااااااااااااه متى بعرس
نادية: أي والله متى نعرس
شهلا: الحين كل وحدة منكن تخربط متى بعرس متى بعرس.. الا قولوا انا اللي انخطبت من 10 سنين متى بعرس
وسيمة ونادية يضحكون عليها
جاسم لاحظ على خالد انه متعجب من جمال قُمر ولو انه مبرطم شوي وما يعطيها ويه.. حتى جاسم نفسه انصدم.. بنت اخوه مو بس حلوة.. الا كانت حورية.. الكل بارك للمعرسين من الاهل.. ابو ابراهيم يود يد قُمر ولبسها خاتم ذهب ضخم مرصع بالماس.. لمعت دموع قُمر بالماسات ورفعت رأسها تبوس عمها على خده
بو خليل: ماخطيت يوم خذيتج لخالد ... بنتي واخذت ولدي.. االف مبروك يا قُمر بن ظاحي
قُمر تأثرت وايد من كلام عمها لكن وين: الله يبارك في حياتك
تحرك بوخليل يعطي مجال لابو قُمر يهنيها ويبارك لها.. وامها وام خالد اللي عطتها خاتم ثاني مرصع بعد بالماس بس بشكل خفيف
جاسم: الله بالزين يالحور والله ما خطى الوالد يوم سماج قُمر
قُمر: الله يخليك عمي
جاسم: أي الله يرحمه الوالد .. ياريته ويانا
قُمر من صج تمنت هالامنية لانه يدها مستحيل يخليهم يزوجونها بالغصب وسبحت دمعه بعينها.. الله يرحمك يا سبع الخير.. لو تشوف حالتي اليوم شبتقول..
بعد ما هدى الجو شوي على الكوشة.. قعدت الفرقة عند طرف المسرح بالمكان المخصص لهم خلف الستار.. مريم ونوفه يرقصن من خاطر على الاغاني ومريم كانت رقاصة من الزين.. وجمالها كان ساحر.. حتى لولوة ووسيمة وشهلا ونادية عملن جو من باخر الصالة.. وسيمة كانت ترقص لهن مختلف الرقصات والكل يضحك وينعجب بها .. ليما مريم راحت لعندهن اهي وارفيجتها نور
جاسم يطالع لولوة باعجاب بالغ من بره الصالة واهي تدري بعيونه بس ما تعبره لانها ان سوت حركة ما وياه بتروح عليها.. جاسم ابدوي .. والبداوية طبعهم خطير.. تملكي..
يلست قُمر مع خالد.. بنفس الكرسي.. قربهم لبعض كان ولا شيء بالبعد والبرود اللي كان بيناتهم.. كانت المصورة تبي تاخذ لقطات رومانسية او حميمية بين العروسين بس ما قدرت.. خالد يا يوقف واياديه متشابكة وقُمر تشغل نفسها بالبوكيه الضخم.. او لين يلسوا كل واحد منهم يطالع الجهة الثانية.. راحت المصوة عنهم وخالد قعد يتنهد.. قُمر التفتت له.. تخبلت عليه.. صج وسيم.. اخر مرة شافته قبل 5 سنين كان للحين بالكويت.. كان وسيم بس مو مثل الحين .. الحين ستوى ريال .. ولا كل الرياييل .. بس خسارة .. ما تقدر تحس فيه .. ما تقدر تشعر بوجوده
فستانها كان من الحلا والفخامة لدرجة انه طاح على ريل خالد بعد.. فستانها من تصميم امريكي.. الصدر عاري من طرف وتلتف نوع من الحركة على رقبتها تغطي اليد الثانية.. الفستان محفف بلمعة ذهبية وحتى داخل الورود المطرزة.. خصلاتها كانت طايحة على جتفها من طول شعرها ولان بعد التسريحة خفيفة ومافيها مثبت بس شكلها كان روعة.. قُمر كانت مفتشلة واهي تحمل البوكيه.. كان اكبر منها وثجيل.. بس لولوة واوامرها.. كلمت مريم عن البوكيه اللي بالغرفة اتييبه لها احسن من هذا.. راحت مريم ويابت البوكيه اللي كان احلى وانعم بالف مرة عن إللي عند قُمر.. حتى انه لفت انتباه خالد وتحمد الله عن البوكيه الثاني.. قُمر كانت اللي مصممة الورد بهذا البوكيه.. منسقة الالوان بين الاصفر والابيض.. لان فستانها كان ابيض بلمعة الذهب على الاطراف وبين النقش اليدوي.. خالد كان يفكر في ندى ويتخليها على الكوشة وياه.. حس بالغصة في حلقه وانه ما يقدر يتنفس.. ولا يقدر يسوي شي الا انه يستسلم ويسكت.. يو البنات دفعات دفعات يسلمن على قُمر واكثر الاسباب عشان يشوفن العريس والعروس عن قرب.. لين ما وصلت وسيمة وشهلا ونادية ويت معاهن لولوة لان تدري عن وسيمة ونادية وطبعهن الشيطاني
وسيمة: الف الف الف الف مبروك يا قُمر.. والله انج جيكرة ...صج لي قالوا المكياج فن ... ههههههههه
الكل ضحك وخالد قعد يسمع كلامهن
وسيمة: الا قولي لي ... خدودج علامهم حمر ... خلصتي بلاشر الدنيا.. صج انج مصطنعة
قُمر: طالعة عليج ياللوسه
وسيمة: هااااااا.. جان زين والله انتي تحلمين في ملمح من ملامحي ... ولا شنو ندوي
خالد التفت من الاسم علباله ندى
نادية: أي نعم ... ولا عاد خشمج يالبلوشية حلاته والله اموه
شهلا: بس عاد فضحتونا يم المعرس.. توجه كلامها لخالد: الف مبروك عليك بقُمر.. تراها غالية حطها بعيونك ماقصرت ويانا والله لو مااهي جان احنه نعيد السنة الله يخليها
وسيمه: أي والله الله يخلي براشيمها سنعه ولا احد يشوفها ههههههههههه
قُمر انحرجت من وسيمة وشهلا: بس عاد فضحتوني تراها مديرة المدرسة هني
وسيمة واهي ميتة من الضحك: ويه يا ربي لا تسمعني . مافيني اعيد السنة بيخلوني اقعد اول كرسي ... هههههههههههههه
ناديه تكمل: جنج بقرة جدام الابلات ههههههههههههههههههههههه
حتى خالد اللي حلف على عمره ما يضحك ضحك على خبال ارفيجات قُمر.. حسهن صغيرات وعلى نياتهن.. مثل قُمر.. يطالع قُمر.. واهي تضحك بحياء جدامه.. يا ترى حياتنا شلون راح تكون يا قُمر.. شلون راح نعيش عمر كله مع بعض وانا مااحس بشي تجاهج
وسيمة تتكلم هالمرة بجدية اكثر: صج صج خلود (خالد فتح عيونه.. اصغر عيالها خلود ) اوه اوه خالد الشيخ.. قُمر عزيزة وغالية ولو انها تهذر وايد بس حبابة وانا ارفيجتها من يوم الصف الاول أي من بعد لولوة.. حاسب عليها.. وحطها بقلبك قبل عيونك
خالد بكل جدية : ان شالله اقدر على اللي تطلبينه
الكل استغرب من كلامه الا قُمر اللي ما تعير كلامه أي انتباه
لولوة : يالله يا بنات.. ورانا درب
قُمر بصدمة: وين رايحه
لولوة: بسم الله الرحمن الرحيم اهني يا حبيبتي مو انه بس زايد اخوي بيوصلهن
قُمر لمعت عيونها يوم انذكر اسم زايد.. زايد راعي الجوري مثل ما تسميه وسيمة.. كان كل يوم يوصل وردة جوري لقُمر مع لولوة وقُمر تحتفظ فيها وعقب تجففها وتخليها بكاس بلوري عندها بدارها.. وخت قُمر رأسها بس لولوة هزتها
لولوة: لاتحاتين.. ربع ساعة وانه رادة لج
وسيمة بدت تبجي بس على هدوء: بتوحشينا يالكريهة والله انج كل الخير قمور
قُمر بجت وياهن.. ارفيجاتها ما راح تشوفهن مرة ثانية.. وان شافتهن يمكن مرة بالسنة
قُمر توصي وسيمة واهي تبجي: تكفين وسوم لا تنسيني وكل ما تقصدين ذكريني.. احب قصايدج
وسيمة لمت قُمر: فديت عمرج وانا لي غيرج بالقصايد
نادية مسحت دمعتها: يالله وسوم حرام عليج بجيتيها.. حبيبتي قمور لا تنسينا تكفين.. تراج بالقلب يا روحي
قُمر: وانتي ندوي بعد.. وهاج أي شي محتاجة له لاتنسيني (نادية بنت شهيد ومن اسرة محتاجة وقُمر ما تقصر وياها وويا اهلها )
نادية: انا اقدر.. انتي الغالية ام الخير
قُمر: الله يخليج يا بنت الشهيد.. (نادية تحب الاسم إلى تناديه قُمر لانها كانت على طول تتمنى احد بفخر بكونها بنت شهيد)
شهلا: حبيبتي لا تنسيني تبين حجاب ولا عمل ولا يني انزله باحد دقي علي ام الطبوب انا
قُمر تضحك واهي تمسح دموعها: ما شاء الله عليج فج الفال لمتد ههههههههههههههههههههههههه
شهلا والكل ضحكن ووسيمة ردت: أي أي هاذا اهو هههههههههههههه العيم عندهم شي غير فج الفيلان
شهلا: ويه على ويهج ماادري منو امه إلى اربع وعشرين ساعة ببيتنا حق هالسوالف
وسيمة: سكتي لابارج الله فيج ياللله نمشي
ودعن قُمر وراحن عنها وخلن قُمر بذكرياتها.. قعدت قُمر مكانها واهي موخية راسها تسترجع الذكريات.. الهده.. وايام الامتحانات.. والتوصيلات وسوالف وسيمة وحب نادية العميق لواحد من الشباب اللي ايون عند المدرسة.. التلفونات والعلاقات وهواش الصف والابلات والفسحة والمحاظرات وربشة وسيمة ونادية.. وتذكرت اول ما شافت زايد عند المدرسة.. البنات كلهن تخبلن عليه ولكن اهو تخبل عليها اهي.. تذكرت صدها لزايد وتخيب امله وتحرق دمه مع انها وايد تعزه.. كانت مراسيله توصلها واهي تشق الورقة وتحتفظ بالورد.. وتوده بس عمرها ما قالت انها تحبه.. يمكن لانها تقدس الحب ما تفكر انها توهبه لكل من.. ومع خالد ما راح توهبه لاحد.. بتحتفظ فيه بقلبها.. لنفسها
خالد من طرف ثاني كان يطالع جاسم اللي الجو عنده عال العال يرقص.. ويأكل ويا الفرقة.. والجو كل ما ايي له يخلى من الناس.. الاهل كانوا فرحانين حيل ما شبعوا من الرقص والرباشه والاكل.. ماكو الا اهو.. مع ان النار اللي فيه تخف شوي شوي وتهدى وكانها تستعد لعاصفة بس اهو ما يدري عنها .. عيونه كانت موجهة على الباقة اللي جدامه.. مايطالع الناس القاعدة وما لاحظ البنت اللي يالسة تطالعه ودموعها شوي وتسجب حار على ويهها.. اغنيه يوسف العماني (مبروك) كانت مشغلة بهذي الحز
شيماء: يالله يا ندى.. مافينا نفشل روحنه اكثر ... لي متى بنيلس هني ... الناس كلها طلعت ما بقى الا اهله
ندى: مااقدر يا شيماء.. اقوى مني ... اقوى مني
شيماء: بس يالله قومي نطلع ... الدنيا صارت فير واكيد يبون يقعدون لحالهم
ندى تمسح دموعها وتزيد من كحلتها: بس اول شي اسلم عليها.. واشوفها
شيماء: لكن يا ندى..............
راحت ندى للكوشة.. تمش بخطى كلها الم وعذاب.. وتحس روحها تتقطع الف مرة بكل خطوة ناحية حبيبها ورفيق احلى اربع سنوات عاشتها بلندن.. خالد وكانه حس بقدوم احد ناحيته رفع راسه وانصدم كانت ندى.. حبه الاول والاخير.. نبض قلبه مثل ما يناديها.. اللـه يا ندى يايه تسمين قلبي وترطميني بالواقع المرير انج ما راح تكونين لي ولا انا راح اكون لج.. وقف على طول وقُمر التفتت له وطالعت وين ما تطالع عيونه .
°
°
°
°
°
يتبـــــــــــــــــــــع
اليوم حابة انقل لكم قصة قرأتها وعجبتني ..
هي قصة قمر خالد للكاتبة حمران النواظر ....
وهي باللهجة الكويتية .... وان شاء الله تعجبكم ...
وأنا في انتظار ارائكم ...
نبذة عن القصة....
خالد ..امير احلام ملايين البنات.. وسيم .. اسمر .. عريض ..بدوي ههههه يحب الحب وغروره واعتداده بنفسه لانه عربي... كبير..
حب بنت من كل اعماق قلبه.. وعاش على حبها واضطر بالاخر انه يدوس على قلبه ويأخذ غيرها .. اللي مسرع ما استوت اكبر زوبعه في حياته.
قمر.. حورية بشرية.. جمال ورقة واخلاق وستر.. تربت بحضن يدها.. عاشت وكلت من يد الدين والاخلاق.. تعيش الحب.. وتحلم للحب.. وتكتب بالحب .. ولكن احلامها كلها تبخرت وكل احاسيسها اندفنت لما تزوجت من ولد عمها خالد عشان مصلحة العايلة ..
عايلة بن ضاحي.. قبل 10 سنوات كانوا من افضل العوايل.. عايلة معروف عنها بمجال التجارة والحرفة والمقاولات .. اسم وسمعة طيبة بالكويت.. البداوة ظلت فيهم على الرغم من التحضر الواجب في هذا الوقت.. بعد موت احد افراد عايلتها بحادثة انتقام قديم .. تقطعت الاواصر .. الكل ابتعد عن الثاني .. المصارعات على المواريث والثروة فرقت بين الاخ واخته.. ولكن زواج خالد وقمر .. بدأ منهال يديد بالعايلة وفتح الباب امام العديد من الاواصر اللي راح تتجمع مرة ثانية ...
في هذي القصة راح تتعرفون على .. الحب .. العايلة.. احترام الكبير.. واهم شيء.. العلاقات الزوجية الانسانية .. كيف من الممكن ان الحب ينولد من بعد الزواج.. وكيف ان هذي الظاهرة الجميلة انقضى عليها بالحب الفاشل والعلاقات الغرامية خارج اطار الزواج....
---------------------
*** الجزء الاول
الفصل الاول ..
في اكبر فنادق العاصمة .. وبافخم صالتين بالفندق.. كانت حفلة زواجهم.. خالد بن ابراهيم بن ظاحي على قُمر بنت سعد بن ظاحي ..الكل كان يتحسب لهذا الزواج ويحسب له الف حساب.. لان ان تزوج مدلل نيمه (خالد) على ربيبه سبع (قُمر) كل الاماني راح تتحق وراح تتحقق معاها الاواصر اللي تقطعت على مر السنين من بعد وفاه اكبر الاخوان عبد العزيز بحادثة انتقام هشمت كل العلاقات وفرقت امبين الاخوان والاخوات وماكان شي بينقذ هالكارثة الا زواج العيال ببعض..
انيي اول للمعرس.. خالد المحطم اللي انغصب على الزواج من بنت عمه عشان العايلة واسم العايلة ومصالح العايلة.. اضطر انه يدوس على احلامه وحياته واهم شي قٌلبه عشان هذا الزواج يتم.. بصاله الرياييل الكل كان فرحان وكان مبتهج والدنيا مو شايلته.. الا خالد اللي كان يطالع الناس والابتسامه الباردة على شفايفه اللي ترتعش من الغيض والقهر والالم العميق.. يتذكر حبه العنيف لندى ويتذكر ايامه وياها بلندن والجامعة.. اربع سنوات قضاها من احلى سنوات عمره.. عاشها وكانها اخر اربع سنوات بيعيشها بحياته.. يطالع الناس بعيون حيرانة .. يناشد ابوه.. عمه الصديق جاسم.. اخوانه.. اهله.. اصدقائه اللي انعزموا من كل بقعه وين ما كانوا بس.. محد يسمعه.. يقبض على مسند الكرسي بكل قوته واهو يكظم غضب عميق.. يحس نفسه مثل الكاسر المحبوس داخل قفص عظيم ما يقدر حتى انه يتنفس فيه.. حس ان البشت اللي عليه مثل سترات الميانين يحبسه عشان ما يتحرك.. الوحيد اللي كان حاس فيه اهو عمه جاسم.. لانه يعرف كل شي عن خالد وعن ندى وعن علاقة الحب القوية لان خالد كان يخبره بكل شي من الالف الى الياء.. جاسم عمره 25 سنه كبر خالد.. انولدوا بنفس الفترة.. وعاشوا وتربوا ويا بعض حتى انهم استغنوا عن اصدقاء غير بعضهم بس يوم قرر ابراهيم ابو خالد انه يدرسه برع البلاد اضطروا الصديقين انهم يتفارقون بالجسد بس ظلوا مع بعض بالروح وماشاء الله وسائل الاتصال اتوسعت وصاروا يخصصون يوم بالاسبوع يتقابلون فيه بالنت والكاميرا ويسولفون بالمايك..
جاسم تقرب من خالد: يا خالد حاول انك تهدي روحك شوي احس ان مسند الكرسي بينكسر اللحين خفف شوي من عصبيتك
خالد يهمس: ما اقدر يا جاسم.. احس اني بموت.. ما ابي هالزواج.. شلون يزوجوني من بنت انا ما اعرف عنها الا ان اسمها قُمر.. وانا قلبي ينشد لندى..
قاطعه جاسم: صل على النبي يا خالد علامك طالع ابوك وعمك شلون فرحانين بالمناسبة.. انت تناسى حزنك شوي مو عشان شيء عشانهم..
خالد وهو يهز راسه بقوة وصوت الطيران يدق براسه: ما اقدر يا جاسم لا تطلب مني المستحيل.. تدري شنو افكر.. افكر اشرد.. اشرد واحطهم كلهم جدام الامر الواقع
جاسم هز راسه من كلام خالد وراح عنه... اخذ زاوية بعيدة عن الفوضى واتصل بمريم اخت خالد
مريم تتكلم بصوت عالي: هلا جسوم شصاير؟
جاسم: ما صاير شي ... شنو هالهيلة اللي عندكم والله وناسة
مريم: هههههههههه أي والله الديجي لاعب بحسبتنا والاغاني على حدها ... وناسة
جاسم: يا حظكم مو انه يالس هني ويا هالمزاهيق.. يرقصون على الطيران والطبول.. يا خوفي احد منهم يصيبه زار هههههههههههههه
مريم: هههههههههههههه يالله خلصني ليش داق
جاسم: عطيني ارفيجتج نور والله انها غوتني
مريم: جب.. تدري عاد اهي قالت نفس الكلام
جاسم: ههههههههههه ذبحتها هاا بالدشداشه.. اهي متعوده علي ببنطلون وقمصان.. اوريج يا بنت المصرية
مريم: بس عاد ...خلصني ...ليش متصل اللحين؟
جاسم: مريم ابيج توقفين يم خالد لين يدخل ولا تفارجينه.. قاعد يخربط ويقول كلام يخرع
مريم: خير شصاير؟
جاسم: لا ولا شي بس اهو متضايق ليش ان الاهل قرروا عنه وعن مستقبله من دون ما يستشيرونه وقاعد يقول كلام اهو مايحس فيه.. كل اللي ابيج تسوينه انج توقفين يمه.. وتحاولين تهدينه وعطيه عبارات تشجيعية
مريم: ان شالله عمي ما طلبت يا بو محمد.. ها خلصت اوامرك
جاسم: لا والله وينها نور
مريم : هههههههههههه كاهي واقفة يمي ... تبيها؟
جاسم : ايه والله
مريم التفتت عن التلفون تكلم نور
نور تصفق : هااا
مريم: عمي جاسم يبي يكلمج
نور تطالع مريم باستهبال: شنو ... عمج.. شيبي فيني
مريم : بس جذي يسولف ... حباب عمي كلميه
نور: روحي زين.. امي يالسة يمي تبيني اكلم عمج؟
مريم ردت على جاسم: تقول لك امها يالسة يمها شلون تكلمك؟
جاسم يضحك من قلب: ههههه مافيها شي خليني اكلم خالتي بعد ههههههههه
مريم: ههههههههههههه
نور: علامج
مريم: ايقول لج بيكلم امج بعد
نور: شكله عمج شارب له شيء
مريم: الو جسوم ... فارج اللحين بيدخلون قمور
جاسم: انا اقول اشفيهم الرياييل قاموا مرة وحدة يالله نتلاقى عند الباب.. تغطي زين وييبي وياج نور
مريم: ههههههههههههههههههه يصير خير
سكر جاسم من عند مريم وراح عند ولد اخوه اللي كان يدور عليه بعيونه.. جاسم كان وسيم بنيته قوية وجماله كان جمال عربي اصيل حتى عيونه من كثر ما اهي حلوة انكتبت فيها القصايد.. بس خالد كان اوسم من جاسم بالف مرة.. خالد كان غير.. ولد عرب فتي قوي الساعد محد يقدر ينافسه لا بالطول ولا بالعرض ولا بالغرور والكبرياء.. لين يشوفه احد يحس انه شموخ العرب كله فيه خصوصا مع خشمه الطويل السليل.. عيونه كانت بنية مايلة للسواد ورموشه كثيفة وحواجبه مرسومة على طول العين.. امه وخواته وبنات العايلة كلهن مغرمات فيه وفي جاسم .. بس خالد كان عاشق وحدة .. بس هي ندى .
ابراهيم – ابو خالد – كان مريض بالقلب لذا ما سار ويا الناس بالزفة طلب من جاسم.. اصغر اخوانه.. انه يوقف على يمين خالد عشان يحسسه بالراحة .. واخوه الكبير خليل على يساره.. والفرقة الشعبية توقف جدام عشان تزف المعاريس
مصيبة ثانيه بغرفه العروس..
ام خليفة: بسج عاد يمه والله ذبحتيني وانتي تبجين.. ذبحتي هالبنية واهي تعدل فيج وانتي تخربين كل شيء
قُمر وهي تشهق من الصياح : يمه شسويت فيكم؟ انا بنتج يمه.. تسوقيني لشيء ما ابيه ولا افكر فيه.. يمه كانت في بالي أحلام وايد.. تقومون تهدمون حياتي وتزوجوني من ولد عمي اللي ما شفته الا مرة وحدة بحياتي
ام خليفه : بس يا قُمر بس بتفضحينا جدام الناس.. اذا مو عشاننا عشان عمج التعبان واعليه حاول المستحيل عشان هالعرس
قُمر: ما ابي يمه.. ابوس ايدج يمه ... يمه تكفين
ام خليفه وخلاص عصبت من اصغر بناتها: بسج قُمر.. بتسكتين وبتمشين الحين ابوج ينطرج على الباب الناس ليل خلينا نخلص ونفتك يا قُمر
قُمر سكتت.. ما باليد حيلة.. راح تنساق يعني تنساق.. تمشي على ريلها لموتها وحياتها المستقبلية.. تتزوج من انسان ما تحبه ولا تعرفه عشان تحبه.. قُمر كانت طموحاتها غير.. ما كانت حاسبة في بالها من بعد الثانوية انها تتزوج ولا تكون حياة زوجية.. كانت تبي تروح الجامعة وتدرس عشان تصير مدرسة وتدرس
بالمدارس.. وتكون لانسان يستحقها.. يحبها وتحبه.. بس كل هذا تهدم يوم زارهم عمها قبل شهرين وخطبها واهلها وافقوا من دون ما يستشيرونها وما فتحوا معاها الموضوع الا بعد ما خلصت المدرسة ..
طلعت ام خليفة من الغرفة ودخلت عليها ارفيجتها العزيزة لولوة
لولوة: بسم الله ماشاء الله قُمر ما غلطوا يوم سموج قُمر.. الف الف مبروك
لولوه هذي كانت وايد غالية على قُمر.. وزاد غلاها باخر سنة عشان اخوها زايد
قُمر بصوت يقطع القلب: لولوة.. لولوة الغالية.. انقذيني لولوة.. ما استحمل والله بموت.. احس اني مثل العنزة يقودونها للذبح.. شسوي بعمري يا لولوة .. ساعديني تراني بموت
لولوة: جبي زين وايد تمثلين انتي.. شنو ذبح وعنزة.. انه ما توقعت اني اسمع منج هالكلام والله انج بايخة قمور.. قومي شوفي ريلج شحليله والله اني وقفت يم الرياييل وانا اطالعه.. حتى حجابي طاح من كثر ما كنت مفهية ههههههههههههههههه
قُمر: والله انج متفرغة بحياتج
لولوة : انه مو متفرغة بالعكس.. انه وايد حزينة يا قُمر.. بس هذي قسمة الله ونصيبه انج تتزوجين ولد عمج بالغصب ...بس لازم تتصبرين ...
قُمر وخت رأسها تكمل بجيها
لولوة بحنان: انا تمنيتج حق اخوي عشان ما نتفارق ابد.. بس يا قُمر.. احنه مو من مستواكم ولا انتي ناسيه احنه من وانتوا من
قُمر :لا تقولين جذي...انا كنت مستعدة اقبل بزايد لو على قص رقبتي
لولوة بابتسام زاد من جمالها: ادري فيج حبيبتي ... بس عسى تكرهوا شيئا وهو خير لكم
قُمر باستسلام: خلاص.. انا حياتي انتهت.. ولا يمكن ارد البنت اللي الكل يعرفها.. وابوي راح يعرف اهو شنو فقد في حياته يوم زوجني من هذا المغرور.
لولوة بخبث: والله على الغرور اهو له الحق ... وايد حلو ... بس ما كان لابس بشت
قُمر: بشت ولا بدون ... ما اشتهه ما اطيقه يا ربي ... والله انه مغرور
لولوة: ماادري.. بس انتي الحين جبي ويالله خلي البنت تعدلج ولو انج تخبلين بس يبيلج شوي هني تحت عيونج وتاشر للمزينه الانجليزيه GOOD JOB ).. )
المزينه: THANK U I DIDIN`T DO ANY THING SHE HAS THE MOST BEAUTIFUL FACE EVER.
لولوة: سمعتي ... حتى المزينة تقول ان ويهج حلو ... يا ملقج والله بقوم عنج
قُمر: وين ... خلج وياي ... ما ابيج تخليني بروحي تطلعين وياي
لولوة: ما يصير انا ما اقرب لج شيء .. اخوج وابوج بيدخلونج على المعرس
بدخلة ام خليفة : لا حبيبتي انتي بتدخلين وياي وانا مالي شغل ...
لولوة: خالتي ما عليه اكفخ بنتج
ام خليفة : لا مو ماعليه.. هالقُمر الحلو تكفخينه.. اسحبج من شعرج.. وشهالكلام.. اذا انتي ما طلعتي وياها من يطلع وياها.. لطوف تعابل عيالها.. ومروو ما تبي تتحرك عن لا يخترب شيء فيها.. ونوفة ويا ارفيجاتها من لها غيرج يا لولوة؟؟
لولوة بفرح كبير من حب الخاالة لها : ان شاء الله خالتي.. انا اصلا قلت بطلع وياها بس العوز هالحمارة شوي
قُمر ضحكت لكلام ارفيجتها وردت حق افكارها وحق الخوف الفضيع اللي فيها.. شلون تعيش طول العمر مع انسان ما تحبه ولا تقدر تحس به ابدا.. واهي موجهة مشاعرها لزايد اللي حبها من اول ما شافها ببيتهم في زيارة لاخته..
قُمر بنت ولا كل البنات.. جمال فتان.. واخلاق عسل.. ودين وستر.. قُمر كانت البنت الوحيده اللي تلبس حجاب وجلباب من بنات العايلة.. كانت تحافظ على طول شعرها.. ولا تحط لها من المكياج الا الكحل الغامج اللي يبين جمال عيونها ويخفف حده النظرات اللي يسميها جاسم النظرات القاتلة.. قُمر كانت بطبعها هادية واجتماعية بصورة رهيبة.. وارفيجاتها كانن ماليات نص الصالة.. تحب الاشياء الرقيقة وتحب الاصالة والعادات الشرقية على غير خواتها اللي معاصرين الحياة بكل معنى الكلمة.. وهذا الشيء اللي خلى ام خليل تخطبها لخالد دون خواتها.. جمال قُمر كان فريد من نوعه.. عيونها لوزية واسعة.. رموشها سود كثيفة متشابكة حواجبها مرسومة على عيونها مثل خالد.. بشرتها كانت بيضا ناعمة على عكس مريم ومروة ونوفة القُمر.. شفايفها كانن موردات.. وخشمها صغير نحيل..
بعد اخر نداء لها من لولوة تطلب منها انها تستعد عشان يطلعونها.. استسلمت قُمر خارجيا وطلعت منها عبرة كلها الم سالت على ويهها مسحتها عنها المزينة واهي تبتسم لها :
(Every thing will be fine. don`t you be worry)
قُمر تبتسم لها.. أي ماخاف.. حياتي كلها تحطمت.. للابد
دخلت لولوة واهي متغطية مع بو خليفة.. لبسوها الشنيول الثقيل على شنيولها الفاخر الشفاف.. يودت يدها لولوة وابوها ماسكها من جتفها.. وطلعوا.. مشن وراها الحريم والبنات والمصورة من جدامها.. قُمر ما كانت تشوف شي لان ويهها مغطى عن الرياييل اللي كانوا بزفه خالد..
خالد في الطرف الثاني بابهته وكشخته يمشي ويا اخوه خليل وعمه جاسم وابوه من وراهم.. تلاقوا عند باب الصالة وكل اللي بالصالة عيونهم على الباب
جاسم اول من تكلم: مبروك قمورة
قُمر ردت بصوت شبه مسموع: الله يبارك فيك عمي
جاسم طالع خالد بنظرات شزر عشان يكلم قُمر
خالد من غير نفس: الف مبروك يا قُمر
قُمر بغير نفس واهي تصرخ في داخلها(الف رحمه علي مو الف مبروك : ( الله يبارك فيك
مريم: يالله بسرعة خلونا ندخل ... ووقفت يم خالد وجاسم يمها
وقف معاها كان طويل واهي وصلت لجتفه.. دموعها تجمعت بعيونها تعلن التساقط.. اخذت نفس قوي ومشت.. الاضاءة كانت خافتة.. والفرقة تطق على اغنية هب السعد التقليدية.. والجو صار ملائكي.. البنات كلهن ماتن يوم شافن خالد وشكثر كان وسيم.. طبعا ارفيجات قُمر شافن ارفيجتهن احلى عن ريلها بالف مرة بس البنات اللي ما يعرفن قُمر قامن يقولن.. اكيد اهي جيكرة حذاله..واحدة تتزوج واحد بهالحلاة لازم اهي جيكر ومو حلوة
وسيمة اشطن ارفيجات قُمر تكلم نادية: والله قهر.. ما ادري اخبصها بطراق على ويهها
ناديه: اووش وسيمة علامج بتتهاوشين هني بعد.. خليهن بينصدمن لين ترفع الغالية الطرحة
وسيمة: بس شنو غاوي ريلها.. يا ربي والله احلى عن زيود اخو لولوووة
نادية: احلى بس الا وااااااااايد احلى.. ويناسب قُمر ... بس وايد مغرور
شهلا العيمية: يحق له ... احد يتزوج هالقشنقوو.. هنيالج يا قمور... قُمر ماخذ قُمر
نادية ووسيمة: ايه والله
وصلت قُمر وخالد للكوشة والقوم كلهم وراهم.. الشباب كانوا يرقصون واهم متلثمين لانهم استخفوا يوم شافوا البنات والبنات يضحكن عليهن.. جاسم اول ما شاف لولوة ما شال عيونه عنه.. جاسم قوي عين ولين يطالع بنت حلوة ما يفارج عنها.. لولوة طبعا لاحظت عيون جاسم وتأكدت انه مو المعرس مثل ما فكرت.. بس عطته نظرات اللا مبالاة مع انها انعجبت فيه.. مما زاد عناد جاسم ركبت قُمر الكوشة على هدوء ومريم ولولوة يساعدنها
مريم لخالد: تقدر تساعد ولا يدك منشلة ؟
خالد: مو شغلج.. محد قال لها تلبس هالفستان
مريم: سخيف وربي سخيف
خالد واهو مغاور عيونه عنها: خليت خفافة الدم لج
مريم : يالله عن الكلام الفاضي ويالله ارفع شنيولها
خالد يلتفت واهو يتنهد ويرفع شنيول قُمر.. اول ما رفعه وقف قلبه.. ما شاء الله.. في احد بالدنيا يملك هالملامح غير الحوريات.. التف مخه 180 درجة .. وحس عمره يرتجف.. ما ظن ان قُمر الشيطانة الياهل تصير مثل هالحورية.. قُمر طبعا كانت موخية نظرها ولا ماعطته ويه
الكل شهق يوم شاف قُمر.. البنات كلهن.. حتى ارفيجاتها لكن وسيمة الشيطانة وقفت اهي وشهلا وقعدن يصلن على النبي واهن يتشهدن.. عن الحسد طبعا
مريم: مدي يدج قمور
قُمر بخوف : ليش
مريم: بنعضها هههههههههههههههه
قُمر انحرجت من مريم .. ساعات تقهر
خالد بهدوء: ماتبين دبلتج يعني
قُمر زادت احراجها.. يتكلم وياها بطريقة تبجي الواحد.. مدت يدها المرتجفة.. لبسها الدبلة وتوه بيخليها لكن المصورة قالت له انه يبوسها.. خالد تنرفز من السالفة ولكن سواها.. والناس كلهم ميتين من قناع الرومانسية اللي لبسه خالد في دقايق وكل البنات تنهدن من الموقف
وسيمة: ااااااااااااااه متى بعرس
نادية: أي والله متى نعرس
شهلا: الحين كل وحدة منكن تخربط متى بعرس متى بعرس.. الا قولوا انا اللي انخطبت من 10 سنين متى بعرس
وسيمة ونادية يضحكون عليها
جاسم لاحظ على خالد انه متعجب من جمال قُمر ولو انه مبرطم شوي وما يعطيها ويه.. حتى جاسم نفسه انصدم.. بنت اخوه مو بس حلوة.. الا كانت حورية.. الكل بارك للمعرسين من الاهل.. ابو ابراهيم يود يد قُمر ولبسها خاتم ذهب ضخم مرصع بالماس.. لمعت دموع قُمر بالماسات ورفعت رأسها تبوس عمها على خده
بو خليل: ماخطيت يوم خذيتج لخالد ... بنتي واخذت ولدي.. االف مبروك يا قُمر بن ظاحي
قُمر تأثرت وايد من كلام عمها لكن وين: الله يبارك في حياتك
تحرك بوخليل يعطي مجال لابو قُمر يهنيها ويبارك لها.. وامها وام خالد اللي عطتها خاتم ثاني مرصع بعد بالماس بس بشكل خفيف
جاسم: الله بالزين يالحور والله ما خطى الوالد يوم سماج قُمر
قُمر: الله يخليك عمي
جاسم: أي الله يرحمه الوالد .. ياريته ويانا
قُمر من صج تمنت هالامنية لانه يدها مستحيل يخليهم يزوجونها بالغصب وسبحت دمعه بعينها.. الله يرحمك يا سبع الخير.. لو تشوف حالتي اليوم شبتقول..
بعد ما هدى الجو شوي على الكوشة.. قعدت الفرقة عند طرف المسرح بالمكان المخصص لهم خلف الستار.. مريم ونوفه يرقصن من خاطر على الاغاني ومريم كانت رقاصة من الزين.. وجمالها كان ساحر.. حتى لولوة ووسيمة وشهلا ونادية عملن جو من باخر الصالة.. وسيمة كانت ترقص لهن مختلف الرقصات والكل يضحك وينعجب بها .. ليما مريم راحت لعندهن اهي وارفيجتها نور
جاسم يطالع لولوة باعجاب بالغ من بره الصالة واهي تدري بعيونه بس ما تعبره لانها ان سوت حركة ما وياه بتروح عليها.. جاسم ابدوي .. والبداوية طبعهم خطير.. تملكي..
يلست قُمر مع خالد.. بنفس الكرسي.. قربهم لبعض كان ولا شيء بالبعد والبرود اللي كان بيناتهم.. كانت المصورة تبي تاخذ لقطات رومانسية او حميمية بين العروسين بس ما قدرت.. خالد يا يوقف واياديه متشابكة وقُمر تشغل نفسها بالبوكيه الضخم.. او لين يلسوا كل واحد منهم يطالع الجهة الثانية.. راحت المصوة عنهم وخالد قعد يتنهد.. قُمر التفتت له.. تخبلت عليه.. صج وسيم.. اخر مرة شافته قبل 5 سنين كان للحين بالكويت.. كان وسيم بس مو مثل الحين .. الحين ستوى ريال .. ولا كل الرياييل .. بس خسارة .. ما تقدر تحس فيه .. ما تقدر تشعر بوجوده
فستانها كان من الحلا والفخامة لدرجة انه طاح على ريل خالد بعد.. فستانها من تصميم امريكي.. الصدر عاري من طرف وتلتف نوع من الحركة على رقبتها تغطي اليد الثانية.. الفستان محفف بلمعة ذهبية وحتى داخل الورود المطرزة.. خصلاتها كانت طايحة على جتفها من طول شعرها ولان بعد التسريحة خفيفة ومافيها مثبت بس شكلها كان روعة.. قُمر كانت مفتشلة واهي تحمل البوكيه.. كان اكبر منها وثجيل.. بس لولوة واوامرها.. كلمت مريم عن البوكيه اللي بالغرفة اتييبه لها احسن من هذا.. راحت مريم ويابت البوكيه اللي كان احلى وانعم بالف مرة عن إللي عند قُمر.. حتى انه لفت انتباه خالد وتحمد الله عن البوكيه الثاني.. قُمر كانت اللي مصممة الورد بهذا البوكيه.. منسقة الالوان بين الاصفر والابيض.. لان فستانها كان ابيض بلمعة الذهب على الاطراف وبين النقش اليدوي.. خالد كان يفكر في ندى ويتخليها على الكوشة وياه.. حس بالغصة في حلقه وانه ما يقدر يتنفس.. ولا يقدر يسوي شي الا انه يستسلم ويسكت.. يو البنات دفعات دفعات يسلمن على قُمر واكثر الاسباب عشان يشوفن العريس والعروس عن قرب.. لين ما وصلت وسيمة وشهلا ونادية ويت معاهن لولوة لان تدري عن وسيمة ونادية وطبعهن الشيطاني
وسيمة: الف الف الف الف مبروك يا قُمر.. والله انج جيكرة ...صج لي قالوا المكياج فن ... ههههههههه
الكل ضحك وخالد قعد يسمع كلامهن
وسيمة: الا قولي لي ... خدودج علامهم حمر ... خلصتي بلاشر الدنيا.. صج انج مصطنعة
قُمر: طالعة عليج ياللوسه
وسيمة: هااااااا.. جان زين والله انتي تحلمين في ملمح من ملامحي ... ولا شنو ندوي
خالد التفت من الاسم علباله ندى
نادية: أي نعم ... ولا عاد خشمج يالبلوشية حلاته والله اموه
شهلا: بس عاد فضحتونا يم المعرس.. توجه كلامها لخالد: الف مبروك عليك بقُمر.. تراها غالية حطها بعيونك ماقصرت ويانا والله لو مااهي جان احنه نعيد السنة الله يخليها
وسيمه: أي والله الله يخلي براشيمها سنعه ولا احد يشوفها ههههههههههه
قُمر انحرجت من وسيمة وشهلا: بس عاد فضحتوني تراها مديرة المدرسة هني
وسيمة واهي ميتة من الضحك: ويه يا ربي لا تسمعني . مافيني اعيد السنة بيخلوني اقعد اول كرسي ... هههههههههههههه
ناديه تكمل: جنج بقرة جدام الابلات ههههههههههههههههههههههه
حتى خالد اللي حلف على عمره ما يضحك ضحك على خبال ارفيجات قُمر.. حسهن صغيرات وعلى نياتهن.. مثل قُمر.. يطالع قُمر.. واهي تضحك بحياء جدامه.. يا ترى حياتنا شلون راح تكون يا قُمر.. شلون راح نعيش عمر كله مع بعض وانا مااحس بشي تجاهج
وسيمة تتكلم هالمرة بجدية اكثر: صج صج خلود (خالد فتح عيونه.. اصغر عيالها خلود ) اوه اوه خالد الشيخ.. قُمر عزيزة وغالية ولو انها تهذر وايد بس حبابة وانا ارفيجتها من يوم الصف الاول أي من بعد لولوة.. حاسب عليها.. وحطها بقلبك قبل عيونك
خالد بكل جدية : ان شالله اقدر على اللي تطلبينه
الكل استغرب من كلامه الا قُمر اللي ما تعير كلامه أي انتباه
لولوة : يالله يا بنات.. ورانا درب
قُمر بصدمة: وين رايحه
لولوة: بسم الله الرحمن الرحيم اهني يا حبيبتي مو انه بس زايد اخوي بيوصلهن
قُمر لمعت عيونها يوم انذكر اسم زايد.. زايد راعي الجوري مثل ما تسميه وسيمة.. كان كل يوم يوصل وردة جوري لقُمر مع لولوة وقُمر تحتفظ فيها وعقب تجففها وتخليها بكاس بلوري عندها بدارها.. وخت قُمر رأسها بس لولوة هزتها
لولوة: لاتحاتين.. ربع ساعة وانه رادة لج
وسيمة بدت تبجي بس على هدوء: بتوحشينا يالكريهة والله انج كل الخير قمور
قُمر بجت وياهن.. ارفيجاتها ما راح تشوفهن مرة ثانية.. وان شافتهن يمكن مرة بالسنة
قُمر توصي وسيمة واهي تبجي: تكفين وسوم لا تنسيني وكل ما تقصدين ذكريني.. احب قصايدج
وسيمة لمت قُمر: فديت عمرج وانا لي غيرج بالقصايد
نادية مسحت دمعتها: يالله وسوم حرام عليج بجيتيها.. حبيبتي قمور لا تنسينا تكفين.. تراج بالقلب يا روحي
قُمر: وانتي ندوي بعد.. وهاج أي شي محتاجة له لاتنسيني (نادية بنت شهيد ومن اسرة محتاجة وقُمر ما تقصر وياها وويا اهلها )
نادية: انا اقدر.. انتي الغالية ام الخير
قُمر: الله يخليج يا بنت الشهيد.. (نادية تحب الاسم إلى تناديه قُمر لانها كانت على طول تتمنى احد بفخر بكونها بنت شهيد)
شهلا: حبيبتي لا تنسيني تبين حجاب ولا عمل ولا يني انزله باحد دقي علي ام الطبوب انا
قُمر تضحك واهي تمسح دموعها: ما شاء الله عليج فج الفال لمتد ههههههههههههههههههههههههه
شهلا والكل ضحكن ووسيمة ردت: أي أي هاذا اهو هههههههههههههه العيم عندهم شي غير فج الفيلان
شهلا: ويه على ويهج ماادري منو امه إلى اربع وعشرين ساعة ببيتنا حق هالسوالف
وسيمة: سكتي لابارج الله فيج ياللله نمشي
ودعن قُمر وراحن عنها وخلن قُمر بذكرياتها.. قعدت قُمر مكانها واهي موخية راسها تسترجع الذكريات.. الهده.. وايام الامتحانات.. والتوصيلات وسوالف وسيمة وحب نادية العميق لواحد من الشباب اللي ايون عند المدرسة.. التلفونات والعلاقات وهواش الصف والابلات والفسحة والمحاظرات وربشة وسيمة ونادية.. وتذكرت اول ما شافت زايد عند المدرسة.. البنات كلهن تخبلن عليه ولكن اهو تخبل عليها اهي.. تذكرت صدها لزايد وتخيب امله وتحرق دمه مع انها وايد تعزه.. كانت مراسيله توصلها واهي تشق الورقة وتحتفظ بالورد.. وتوده بس عمرها ما قالت انها تحبه.. يمكن لانها تقدس الحب ما تفكر انها توهبه لكل من.. ومع خالد ما راح توهبه لاحد.. بتحتفظ فيه بقلبها.. لنفسها
خالد من طرف ثاني كان يطالع جاسم اللي الجو عنده عال العال يرقص.. ويأكل ويا الفرقة.. والجو كل ما ايي له يخلى من الناس.. الاهل كانوا فرحانين حيل ما شبعوا من الرقص والرباشه والاكل.. ماكو الا اهو.. مع ان النار اللي فيه تخف شوي شوي وتهدى وكانها تستعد لعاصفة بس اهو ما يدري عنها .. عيونه كانت موجهة على الباقة اللي جدامه.. مايطالع الناس القاعدة وما لاحظ البنت اللي يالسة تطالعه ودموعها شوي وتسجب حار على ويهها.. اغنيه يوسف العماني (مبروك) كانت مشغلة بهذي الحز
شيماء: يالله يا ندى.. مافينا نفشل روحنه اكثر ... لي متى بنيلس هني ... الناس كلها طلعت ما بقى الا اهله
ندى: مااقدر يا شيماء.. اقوى مني ... اقوى مني
شيماء: بس يالله قومي نطلع ... الدنيا صارت فير واكيد يبون يقعدون لحالهم
ندى تمسح دموعها وتزيد من كحلتها: بس اول شي اسلم عليها.. واشوفها
شيماء: لكن يا ندى..............
راحت ندى للكوشة.. تمش بخطى كلها الم وعذاب.. وتحس روحها تتقطع الف مرة بكل خطوة ناحية حبيبها ورفيق احلى اربع سنوات عاشتها بلندن.. خالد وكانه حس بقدوم احد ناحيته رفع راسه وانصدم كانت ندى.. حبه الاول والاخير.. نبض قلبه مثل ما يناديها.. اللـه يا ندى يايه تسمين قلبي وترطميني بالواقع المرير انج ما راح تكونين لي ولا انا راح اكون لج.. وقف على طول وقُمر التفتت له وطالعت وين ما تطالع عيونه .
°
°
°
°
°
يتبـــــــــــــــــــــع